Бајрам: И јас и Самка ќе гласаме „за“, сите Роми да гласаат на референдумот „за“ договорот

Пратеникот Амди Бајрам на собраниската говорница рече дека ќе го поддржи договорот со Грција и му се заблагодари на министерот Никола Димитров зошто со ова се носел подобар живот.

-Јас и ние ромите во Македонија сме секогаш лојални на државата каде што живееме. И за ова ќе гласам „за“, ќе гласа и Самка Ибраимовски, ги повикувам сите ромски партии да гласаат „за“ потпишаното. Ги повикувам на референдум сите Роми да дадат поддршка на референдумот. Оптимист сум дека ќе има поддршка референдумот, рече Бајрам.