Арнаутовиќ го пцуеше Алиоски, па сега УЕФА ќе го „чешла“

УЕФА отвори истрага против австрискиот репрезентативец Марко Арнаутовиќ поради неговата реакција по постигнувањето на третиот гол на средбата со Македонија на Европското првенство.

Тој упати пцовки кон нашиот репрезентативец, Езџан Алиоски, а стигна реакција и од ФФМ со барање – Арнаутовиќ да биде казнет.

„Етичко-дисциплински инспектор ќе спроведе истрага во врска со инцидентот во кој беше вклучен Марко Арнаутовиќ на мечот од Европското првенство помеѓу Австрија и Северна Македонија на 13 јуни“, соопшти УЕФА.