Антикорупциска истражува под кои критериуми фирмата на екс министерката Ангеловска добила државна помош

Државната комисија за спречување на корупцијата ќе истражува дали има конфликт на интереси при исплатата на помош од владините антикризни мерки за фирма во која сопственик е поранешната министерка за финансии Нина Ангеловска.

Изминатите денови, од ВМРО-ДПМНЕ, информираа дека компанијата во која Ангеловска е ко-сопственик, „Вебспот“ за три месеци од државата добила 11.000 евра.

ДКСК ги проверува критериумите според кои се доделувала економската помош за исплата на плати на фирмите.

Претходно, ДКСК донесе решение дека во случајот со повлекувањето на парите на Нина Ангеловска од Еуростандард банка, неколку дена пред прогласувањето на стечај за банката, нема законски санкции, туку само тоа дека овој случај е проблематичен од етички аспект.