Заев на годишнината на Агенцијата за национална безбедност: Со АНБ и ОТА конечно УБК замина во историјата

by fokus 14:14
14:14

Премиерот Зоран Заев денеска беше гостин на првата годишнина на Агенцијата за национална безбедност (АНБ). Тој истакна дека со отпочнувањето со работа на Агенцијата бил направен последниот чекор во реформата на безбедносниот сектор.

– Со оваа реформа, Управата за безбедност и контраразузнавање, која во изминатиот период беше злоупотребена за поединечни лични и групни интереси, конечно замина во историјата, потенцираше Заев.

- Advertising -

Тој додаде дека претходно била формирана ОТА.

-Со владините реформи во системот на безбедносните служби, претходно ја формиравме Оперативно техничката агенција (ОТА) со што го разбивме монополот односно концентрацијата на моќта која поранешната УБК ја имаше на системот за следење на комуникациите со кој беа направени тешки злоупотреби и сериозни упади во приватноста на граѓаните.

Реформскиот процес на безбедносно-разузнавачкиот систем се надополни со формирање на Телото за координација на безбедносно-разузнавачката заедница со точно утврден делокруг на работа, состав, начин на работа и донесување на одлуки, како и конкретни аспекти во врска со неговата работа во функција на спроведување ефикасна координација на безбедносно-разузнавачката заедница. Сега имаме агенција која работи целосно во согласност со Уставот, законските и подзаконски акти, како што впрочем и доликува на безбедносна служба на земја членка на НАТО. Служба со развоен концепт за постојано унапредување на капацитетите на безбедносниот систем, за да може со успех да се носи и справува со современите закани и ризици по националната и меѓународната безбедност, рече Заев.

Тој додаде дека АНБ ќе има постојано силна поддршка од Владата, но и од останатите институции во државата.

-Во таа насока, заедно со честитките за годишнината, на сите во Агенцијата за национална безбедност им посакав храбро да продолжат уште помотивирано и поистрајно да работат на изградбата на современа, модерна безбедносна служба која целосно ќе биде во функција на заштита на безбедносните интереси на Република Северна Македонија и на сите нејзини граѓани“, рече Заев.

Поврзани новости