Англија последен патник во полуфиналето на ЕП

Фудбалерите на Англија ќе играат во полуфиналето на Европското првенство 2020, откако вечерва во последното четвртфинале ја победија Украина со убедливи 4:0.

На средбата одиграна во Рим, двоен стрелец беше напаѓачот на Тотенхем, Хари Кејн, кој погоди во 4. и 50. минута. По еден гол постигнаа дефанзивецот на Манчестер јунајтед, Хари Мегваер и играчот за врска на Ливерпул, Џордан Хендерсон.

Украина го заврши настапот на турнирот, а репрезентацијата на Англија во полуфиналето ќе игра со Данска.

Во другото полуфинале ќе се соочат Италија и Шпанија.