Ангелов: Со Заев сме во постојана комуникација од првиот пожар!

Директорот на Центарот за управување со кризи, Стојанче Ангелов рече дека Главниот штаб на Центарот за управување со кризи има извонредна комуникација со Владата.

-По наше барање Владата одржа итна седница, работите кои што ги кажа премиерот беа веднаш обезбедени, потребните одлуки беа донесени. Јас како раководител на тој главен штаб и на целата оваа кризна состојба сум во постојана комуникација со премиерот и на мене ми е сеедно дали премиерот е овде во Скопје или на било кое друго место. Од првиот пожар досега сме во постојана комуникација и секогаш кога имало потреба премиерот да се ангажира во одредена работа сум можел да го добијам во истиот момент, рече Ангелов