Амди Бајрам се побуни дека гласал и тој, референдумот распишан со 68 гласа „за“

Собранието ја донесе одлуката за распишување на референдум кој ќе се одржи на 30-ти септември. Немаше воздржани гласови и гласови против.

За распишување на референдум се произнесоа сите пратеници кои гласаа. Пратеникот Амди Бајрам реагираше откако собраниските служби избројаа 67 гласа. Според него гласал и тој, но неговата картица не била детектирана.

Поради тоа собранискиот спикер Талат Џафери рече дека и неговиот глас ќе се вброи во гласањето, така што бројот на пратеници кои гласаа „за“ официјално ќе биде 68.

Пратениците на ВМРО-ДПМНЕ пред гласањето ја напуштија салата.