Амбасадорот Карлов загина во атентатот во Турција

Рускиот амбасадор во Турција Андреи Карлов кој беше тешко ранет во вооружен напад во Турција, им подлегна на повредите.

Амбасадорот беше застрелан во атентатот кој беше извршен врз него на отворање на изложба во Анкара.

Светските медиуми објавија и фотографии од атентаторот, кој откако го убил амбасадорот, со пиштолот и продолжил да се заканува, но набрзо бил убиен од турските безбедносни сили. Во нападот тој ранил уште неколку лица.

Ова се случува по протестите во Турција за руската воена интервенција во Сирија.