Александар од „Инфомакс“: Сакаме да работиме чесно и достоинствено!

Александар Митовски, новинарот од „Инфомакс“ против кого е покренато обвинение, денеска се заблагодари на поддршката на протестот и додаде дека мора да се прекинат сите притисоци кон медиумските работници.

„Пред се, сакам да се заблагодарам на сите колеги бидејќи овој протест не е за мене или „Инфомакс“. Сакаме да работиме чесно и достоинствено, како што доликува. Мораме да застанеме сите заедно и да кажеме доста е за сите притисоци. Оваа порака е да се замолчат новинарите, да се укине слободата на говорот, истакна Митовски.