Ахмети: Ќе бараме консензуален претседател на следните избори, ова ќе го браниме со фанатизам

Лидерот на ДУИ Али Ахмети на гостување во емисијата Клан Дебат на ТВ Клан Македонија рече дека и на следните претседателски избори ДУИ ќе побара консензуален претседател.

„Секако ова е еден од ставовите кои сме ги објавиле и ќе го браниме со фанатизам и ќе го промовираме на сите простори тука во Македонија. Ние сакаме консензуален претседател, да седнеме, да разговараме, да се усогласиме“ – рече Ахмети.

Ахмети исто така кажа дека веќе има и имиња за консензуален претседател, но се уште е рано да се збори за тоа.

„Секако дека може да зборуваме и со имиња, но сеуште е рано за тоа“, рече Ахмети.