Ахмети: Името да се реши со компромис, референдумот ќе го подели општеството

Спорот за името со Републука Грција треба да се реши со компромис и на начин што нема да предизвика поларизации во општеството, а идејата за референдум нема да придонесе во таа насока, изјави претседателот на ДУИ Али Ахмети на средба со новинарите во партиското седиште во Мала Речица.

– Имам информации дека опозицијата е заинтересирана овој проблем да се реши. Има разлики, но очекувам тие да се намалуваат. Комуницирам со двете страни, како со власта така и со опозицијата, за тоа како да се стаса до решение на ова прашање – изјави Ахмети.