Ахмети: Идејата за размена на пратеници меѓу Заев и Мицкоски е ризична, тогаш и ние ќе се обединиме

Лидерот на ДУИ Али Ахмети на ТВ 21 оцени дека идејата за размена на пратеници меѓу Зоран Заев и Христијан Мицкоски е ризична.

-И тоа не може да се случи, да си даваат пратеници…Јас ги слушам тие позајмици, тоа е пазар, но тоа не може да се случи бидејќи хегемонизмот е поразен, и на овие простори…Хегемонизмот е поразен, хегемонизмот ја уништи и Југославија – рече Ахмети.

Одговарајќи на прашањето што доколку македонскиот табор се обедини, тој рече:„И ние ќе се обединиме“.