Ахмети е убеден дека сме близу до решение за името

by Фокус 14:21
14:21

Али Ахмети денеска ја поздрави изјавата на медиаторот Метју Нимиц кој, како што повтори лидерот на ДУИ, потврдил дека преговорите не се однесуваат на идентитетот и на јазикот, туку само за името на државата. Ахмети денеска се обрати до медиумите по повод стоте дена од новата Влада во која тој е коалиционен партнер со ВМРО-ДПМНЕ.

– Ние сме убедени дека сме многу блиско до решението, но имаме потреба од директни преговори со меѓународно посредништво и потоа решението ќе се постигне. Во овој правец, очекуваме целосна подршка и многу активна ангажираност од новиот состав на Советот на Европа, вклучително од Јункер, Могерини и до Јоханес Хан. Успехот на овој процес претставува заокружување на нашата заедничка инвестиција во Македонија, но истовремено ќе ги релаксира видливо и меѓуетничките односи како и имплементацијата на духот на Охридскиот Договор, ќе придонесе кон мирот, одржливата стабилност и сигурност во земјава и регионот, но и за економскиот развој. Се надеваме дека на 8 октомври, Комисијата за Проширување на ЕУ ќе ја повтори препораката за добивање на датум за преговори и се надеваме дека декемврсискиот самит на ЕУ ќе биде поттик за финалниот бран на преговори помеѓу Скопје и Атина – додаде Ахмети.

- Advertisements -

 

Поврзани новости