Ахмети: 13 години сме неспорни победници и пак ќе бидеме

by Фокус 18:13
18:13

ДУИ не само што е најсилна во албанскиот политички блок, туку е и најдобра опција. Тринаесет години сме неспорни победници и повторно ќе бидеме неспорни победници, рече денеска лидерот на ДУИ, Али Ахмети, на предновогодишното обраќање до членството.

-Ние мислиме дека датумот не треба да се помести, зашто така нема да дадеме придонес за стабилноста на земјата. Со датумите не треба да си играме. Терминот, повторувам, е договорен. Најдобриот нека победи на изборите и нему ќе треба да му се честита и да му се посака успешно да ги решава проблемите. Сакаме изборите да бидат фер и демократски и сите треба да работиме тие да бидат организирани и спроведени според најдобрите стандарди, рече Ахмети.

- Advertisements -

Тој истакна дека годината што изминува според него е најтешка во последните десет години, а како што рече тој, ризик за стабилноста на земјата носи и скандалот со фалсификуваните документи.

-Навистина сме вознемирени и загрижени во какви рамки се случиле ваквите фалсификати. Многу пати сум го алармирал членството, Албанците, како и сите граѓани, да бидат што повнимателни, за да не се падне во замките на фалсификатите и документите, затоа што секој фалсификат  е девијација, ја попречува стабилноста и безбедноста на државата, рече Ахмети.

Поврзани новости