Едно лице е спасено, а едно сè уште е затрупано под урнатините на градилиште во Истанбул.
Како што објави „Сабах“, несреќата се случила околу пладне по локално време во истанбулската населба Бахчелиевлер, а до уривањето дошло за време на ископувањето на темелите на градилиштето.
❗️🇹🇷 #BREAKING: Building collapses in #Istanbul, people reportedly trapped under rubble
A building collapsed in Istanbul’s #Bahçelievler district while the foundation of a new building was being excavated nearby.
According to preliminary information, two people are believed to be trapped under the rubble.
— APA News Agency (@APA_English) November 5, 2026
По добиената пријава, на лице место се упатени екипи на полицијата, противпожарната служба, итната медицинска помош и АФАД (Управа за управување со катастрофи и вонредни состојби).
Спасувачките екипи пронашле и спасиле еден од работниците, чиј глас се слушнал под урнатините, нему му била укажана прва помош на лице место, по што бил пренесен во болница.
Се верува дека под урнатините се наоѓа уште еден работник.
Како што беше соопштено, во тек се напори за спасување на уште едно лице затрупано под земјениот одрон.
Надлежните служби ја истражуваат причината за уривањето на темелите на градилиштето.