Се урна стара куќа во Битола, оштетени се неколку автомобили

Стара и руинирана куќа во центарот на Битола попладнево се урна и оштети неколку паркирани возила во непосредна близина.

Куќата, која е во приватна сопственост, е лоцирана зад станбен комплекс, чиј простор се користи како паркинг.

Во инцидентот нема повредени, а причинета е само материјална штета.

Екипи на СВР Битола извршија увид на местото на настанот, а обезбедени се и изјави на сопствениците на оштетените возила.

Како што објави битолскиот портал Алпа, куќата што се урна е во сопственост на познати битолски бизнисмени.