Портпаролот на СДСМ, Петре Шилегов, денеска на прес конференција порача дека додека не се повлече одлуката за аболиција не може да продолжат преговорите меѓу политичките партии.
-И ДУИ и ВМРО-ДПМНЕ многу брзо во Собранието треба да се изјаснат за поништувањето на аболицијата. Додека целосно не се поништи нарачаната аболицијата од ВМРО-ДПМНЕ и ДУИ, не може да стане збор на враќање на политичкиот дијалог, изјави Шилегов.
Што се однесува до шпекулациите што ги објавија одредени провладини медиуми дека СДСМ е подготвена да се откаже од аболицијата за да влезе во владата, Шилегов рече дека тоа е само спин.
-Никола Груевски може само да сонува дека ќе прифатиме аболицијата да остане. Аболицијата ќе се поништи и ние знаеме дека тоа е најголемиот кошмар на Груевски, рече Шилегов.