Министерството за култура на Република Македонија во целост ги демантира невистините изнесени на гостувањето на ТВ Нова на 22.07.2017 од страна на г-ѓа Весела Честоева, претходен директор на Националната установа Археолошки музеј на Македонија – Скопје.
Според податоците со кои располага Министерството, а коишто беа доставени од страна на Археолошкиот музеј, во конкретниов случај воопшто не станува збор за отказ, односно раскинување на договорот за вработување на определено време за работното место Раководител за стручни работи, без отказен рок додека горенаведеното лице користи боледување, туку за донесување на одлука од страна в.д. директорот за прогласување на предметниот договор за ништовен, согласно прописите од областа на облигационите и работните односи, што значи дека истиот нема правно дејство.
Имајќи предвид дека склучениот договор за вработување на ваков начин во иднина би можел да предизвика штетни последици по установата, односно негативни финансиски импликации по Буџетот на РМ, со одлука на в.д директорот истиот е прогласен за ништовен, односно како да не бил ни склучен.
Исто така, би сакале да ја информираме јавноста дека и самата постапка за “самовработување” на претходната директорка ќе биде предмет на иницирање на кривична постапка пред надлежен суд за сторено кривично дело злоупотреба на службената положба и овластување, согласно Кривичниот законик, се вели во соопштението на Министерство за култура.