Триесет годишниот штипјанец З.А. во штипската полициска станица пријавил дека синоќа по полноќ додека седел во угостителски објект во друштво на неговата сопруга бил нападнат од 32-годишниот О.О. кој, според пријавата, му пришол зад грб и го нападлал со тупаница.

„З.А. станал, но во истиот момент дошло обезбедувањето, по што ги раздвоиле и ги отстраниле од објектот. Од нападот, З.А. се здобил со повреди и се упатил во Клиничка болница Штип на лекарски преглед, но додека бил на приемното одделение, пристигнал О.О. во друштво со лицето Д.К. (29) од Штип, и физички го нападнале. Од ударите З.А. паднал под масата за преглед, по што О.О. и Д.К. ја свртеле масата и со неа почнале да го удираат по телото. Според пријавеното, напаѓачите го удирале З.А.и со други предмети“, соопштија од полицијата.

Се преземаат мерки за расчистување на случајот.

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.