Тричленото семејство кое живееше под мост во општина Аеродром без никакви услови за живот, конечно најде нов, привремен дом.
Благодарение на хуманитарната организација „Свети Спас“ и отецот Оливер Петровски од Скопје, семејството се всели во куќа во главниот град и како што ни пренесоа, тие се пресреќни што ќе имаат кров над главата.
Како што ги информирале луѓето од хуманитарната организација, укината им била и социјалната помош, а од „Свети Спас“ најавија дека уште во понеделник ќе биде поднесена жалба, со надеж дека ќе ја уважат.
Сопругата од тричленото семејство имала мозочен удар и останала неподвижна, а за неа се грижел сопругот, додека пак синот морал да собира пластични шишиња за да преживеат.
Од хуманитарната организација најавија дека ќе се обидат да го вработат синот и ги повикаа надлежните институции данајдат решение за семејството да добие постојан дом.
Фотографија – Хуманитарна организација „Свети Спас“.
Ј.Ц.