Во текот на вчерашниот ден, за време на полицискиот час во скопското село Кучевиште настанала масовна тепачка помеѓу седум лица.
„На 10.04.2020 околу 18.00 часот во СВР Скопје било пријавено дека на ул.„7“ во с.Кучевиште, скопско, по претходна расправија поради меѓусебна нетрпеливост, дошло до нарушување на јавниот ред и мир со физичка пресметка помеѓу М.Г.(29), С.Г(51) и М.Г.(63), од една страна, и М.Г.(74), С.Г.(47), В.Г.(42) и С.Г.(49), од друга страна, сите од с.Кучевиште, при што со тешки телесни повреди се здобиле М.Г.(74) и М.Г.(63). Повредените биле пренесени во Комплекс клиники „Мајка Тереза“ за укажување на лекарска помош. Увид на местото на настанот извршила екипа од СВР Скопје и се преземаат мерки за расчистување на случајот“, соопштија од МВР.