Жители на Дебарца: Нема да дозволиме да станеме ѓубриште на историјата, со жив штит ќе се браниме

Во подкараорманското село Годивје, во чија близина е замислено да се гради депонијата, се собраа жители од целата општина, но и од Охрид, Скопје и други градови, меѓу нив и познати личности, како и писателот Трајан Петроски.

Собирот финишираше со избор на Координативно тело кое ќе раководи со активностите против изградба на регионална депонија.

Пред неколку дена реагираа и од СДСМ, кои побараа од пратениците на ВМРО-ДПМНЕ да престанат да се промовираат како еколошки месии на Дебрца

– Во врска со предлогот на градоначалникот на општина Дебрца, Игор Трајкоски за референдумско изјаснување на граѓаните на Дебрца за регионалната депонија, како и писмото на пратениците на ВМРО -ДПМНЕ, Трајко Велјаноски, Илија Димоски и Антонијо Милошоски во кое изразуваат наводна загриженост за Дебрца, сакаме да ги потсетиме дека сега е веќе предоцна  да се промовираат во еколошки месии на Дебрца. Ако сакаа тоа да бидат,  пратениците во изминатите 11 години, а градоначалникот во изминатите четири години, со конкретни дела можеа тоа да го направат – се наведуваше во соопштението.