Жител на Росоман пријавил дека го нападнала сопругата

Росоманец на возраст од 31 година денеска пријавил во полицијата во Кавадарци дека бил физички нападнат од сопругата. Според пријавата, нападот се случил вчера околу 16 часот во нивниот дом, по претходна вербална расправија.

Информацијата за МИА ја потврди Верољуб Додевски, портпарол на СВР Велес. По целосно документирање на случајот, ќе биде поднесена соодветна пријава.