Жител на Кочани во повеќе наврати крадел пари од сопствениот брат

Жител на Кочани доби кривична пријава затоа што во повеќе наврати извлекувал пари од картичката на неговиот брат, велат од МВР.

„ОВР Кочани поднесе кривична пријава против Г.К.(32) од Кочани, поради постоење основи на сомнение за сторено кривично дело „оштетување и неовластено навлегување во компјутерски систем“. Пријавениот во повеќе наврати во месец март 2021 противправно ја присвоил дебитната картичка на неговиот брат и во осум наврати од банкомати подигнал вкупно 55.000 денари“, информираат од МВР.