Жени танцуваат во знак на солидарност со финската премиерка

Иницијативата на жените од Финска по нападите врз Марин по објавувањето на видеа снимени за време на приватна забава.

Не стивнува полемиката против финската премиерка Сана Марин, откако на социјалните мрежи се прошири видео на кое таа танцува и се забавува за време на приватна забава. Но, сепак, покрај критиките, се множат и зборовите за поддршка и одбрана на премиерката на Финска, Марин.

Девојки и жени од Финска и од Данска во последните неколку часа на своите социјални профили објавуваат видеа од танцување и забава, исто како премиерката Марин. А финската премиерка е означена во различните објави придружени со натпис: „Солидарност со Сана“.