Жена загина во невреме во Сомбор: Дрво паднало врз возилото што го возела

Вицепремиерот на Србија и министер за внатрешни работи – Ивица Дачиќ изјави дека во силното невреме кое го зафати Сомбор и околината околу 17 часот, една жена загинала кога дрво паднало врз возилото што го возела.

„За време на силно невреме што го зафати Сомбор и околината околу 17 часот, една жена загина кога дрво паднало врз возилото што го возела“, изјави Дачиќ.

Како што се наведува во соопштението, таа од здобиените повреди починала на лице место.

Дачиќ ги повика граѓаните на максимална внимателност во врска со невремето во Србија, за кое предупредува Републичкиот хидрометеоролошки завод.