Зеленски: САД и ЕУ треба да бидат дел од мировните преговори меѓу Украина и Русија

Соединетите Американски Држави и Европската Унија треба да им се придружат на Украина и Русија на преговарачка маса во идните мировни преговори, изјави украинскиот претседател Володимир Зеленски за Асошиетед прес.

Разговорите за војна кои не ја вклучуваат Украина се „многу опасни“, рече Зеленски, еден ден откако американскиот претседател Доналд Трамп рече дека неговиот тим веќе е ангажиран во „многу сериозни“ разговори со Русија за тоа како да се стави крај на војната во Украина.

„Тие можеби имаат свои односи, но да се зборува за Украина без нас е опасно за сите“, рече Зеленски, осврнувајќи се на претходните изјави на Трамп.