Зеленски ги потврди жртвите од бомбашкиот напад на училиште

Претседателот на Украина, Володимир Зеленски, потврди дека околу 60 лица загинале во руското бомбардирање на училиште во источното село Билохоривка, кои таму се криеле од гранатирање.

-Резултатот од рускиот напад на Билохоривка во регионот на Луганск е 60 убиени цивили кои се криеле во училиштето, барајќи засолниште од гранатирање – рече Зеленски во видео-обраќање.

Генералниот секретар на ОН Антонио Гутереш е „ужаснат” од бомбардирањето на училиштето, изјави неговиот портпарол.

-Цивилите и цивилната инфраструктура секогаш треба да бидат поштедени за време на војната, додавајќи дека нападот повторно потсетува дека во оваа војна, како и во многу други конфликти, цивилите ја плаќаат највисоката цена – рече тој.