Здравјето на пациентите е во опасност поради состојбата во хируршките клиники, вели Мехмедовиќ

Состојбата во хируршките клиники го става во опасност здравјето на пациентите, вели доктор Злате Мехмедовиќ во вестите на Сител телевизија. Причината за сето тоа што се случува, како што вели, е некаков технички пропуст, што во земји кои се добро стратешки позиционирани кога е во прашање јавното здравје, не би смеел да се случи ниту во сон.

Според Мехмедовиќ, лекот за состојбите во здравствениот систем е во транспарентноста.

„Јавноста е сведок на овие состојби зошто се работи за нечесни работи. Не смееме да оставиме ништо не откриено. Мора се да биде транспарентно, тоа е лекот за состојбите во здравството, рече Мехмедовиќ.