Застрелано 15 годишно девојче во Белград

Утрово околу 8 часот кај Калемегдан со воздушна пушка било застрелано 15-годишно девојче.

Според српските медиуми, девојчето тргнало на училиште, а во првиот момент кога било рането, помислила дека ја удрила топка во ногата. Неколку секунди подоцна забележала крв.

Девојчето е пренесено во Институтот за мајка и дете и чека операција.

Тинејџерката добила прострелна рана во бутот.

Инцидентот бил пријавен во полиција по 8 часот, а истрагата е во тек.