Застрелани двајца тинејџери во Детроит, еден им подлегна на повредите

Двајца тинејџери беа застрелани, еден од нив фатално, во саботата вечерта на паркингот пред саемот во предградието Детроит, Мичиген.

Полицијата соопшти дека пукањето било пријавено нешто пред 22 часот и дека станува збор за „изолиран инцидент“, пренесува Асошиејтед прес.

Двете жртви, 14-годишни тинејџери, пристигнаа на саемот со пријателите.

Инспекторите рекоа дека веруваат дека пукањето произлегло од расправија што се одвивала последните неколку дена.

Тинејџерите се пренесени во локалната болница каде што е констатирана смрт на едно 14-годишно момче, додека другиот е во стабилна состојба, соопшти полицијата.