Запалено возило на скопјанец на кој со закани му барале 80.000 евра

Триесет и тригодишен маж ноќеска пријавил во полициска станица дека претходниот ден од телефонски број на лице кое го познавал му биле испраќани пораки со заканувачка содржина и му биле барани 80.000 евра, извести МВР.

„Подоцна во 00.40 часот на 21.06.2024 негов сосед го известил дека било опожарено неговото возило „форд фиеста“ со скопски регистарски ознаки, кое било паркирано пред неговата куќа“, соопшти МВР.

Пожарот бил изгаснат,а повредени лица нема. Се преземаат мерки за расчистување на случајот.