Загинатите во автобуската несреќа кај Лесковац се од Крушево и од Кочани

Идентификувани се две од трите лица кои загинаа во автобуската несреќа кај Лесковац. МНР добило потврда дека станува збор за 68 годишен маж од село Бучин, Крушево со иницијали В.Ш и 68 годишна жена од Кочани со иницијали К.К.

На двете лица, идентитетот им бил утврден од личните документи. Кај третата жртва не се пронајдени документи и се уште нема потврда на нејзиниот идентитет.

Несреќата се случи кога автобус на струшката компанија Еуробус кој патувал од Битола за Виена излетал од патот, ја пробил заштитната ограда и се превртел кај клучката Печењевци во близина на Лесковац.

Во животна опасност се уште 4 лица кои се пренесени во болницата во Ниш. Полесно се повредени 23 лица.