Загина 78-годишен маж во пожар во куќа во тетовско Рогле

Седумдесет и осумгодишен маж од Тетово загина во пожар што ја зафатил неговата куќа.

Според информациите, денеска во 11.45 часот во СВР Тетово пријавено е дека настанал пожар во куќа во тетовското село Рогле, сопственост на 78-годишниот М.Р.

Во пожарот починал сопственикот на куќата. Со интервенција на тетовските пожарникари пожарот бил целосно изгаснат. На местото увид извршиле јавен обвинител и екипа од Секторот за внатрешни работи Тетово.

Се работи на расчистување на случајот.