Заев: Зибери од утрово е вратен на работа во Собранието

Премиерот Зоран Заев денеска на отворањето на новата индустриска зона во Куманово потврди дека пратеникот Арбен Зибери денеска присуствува во Собранието за да се изгласаат претседателите, заменици на претседателите, членови и нивни заменици на 20-те комисии кои ќе работат во Собранието.

– Од информациите кои ги добив, тој од изутрина е вратен на работа, рече денеска Заев.

Поранешниот  директор на Центарот за јавно здравје-Скопје на 8 септември во тешка состојба, со симптоми на Ковид-19, беше пренесен на Клиниката за инфективни болести, откако претходно од посебна кабина во Собранието гласаше за новата Влада.