Заев за Мицкоски: Како да го слушам Груевски, истата матрица

Претседателот на СДСМ, Зоран Заев во вечерашниот дуел со Христијан Мицкоски рече дека исто како да го слуша Груевски.

-За мене е истата матрица, како да го слушам Груевски. И тогаш и сега постои уверувањето дека извршната власт е одговорна за судската. Тоа не е така. Извршната власт ги овозможи законите. Ние очекуваме судството да ги носи одлуките самостојно и независно. Затоа цело време кажувам дека не можете да се одлепите од Груевски, ги зборувате истите работи како него. Има прилика да се оградите од Груевски, еве пред камерите, кажете дека се оградувате од него, рече Заев.