Претседателот на СДСМ, Зоран Заев на вечерашниот митинг во Центар прогрозираше дека СДСМ ќе победи во Центар со повеќе од 5.000 гласа разлика.
Се осврна и на Данела Арсовска и бугарското државјанство.
-Скопје ќе продолжи по патот по кој тргна. Овој пат, јас сум убеден дека ќе победиме во Центар со повеќе од 5 000 гласа и за вашиот иден градоначалник Горан Герасимовски и за Петре Шилегов. Имате добри луѓе за кандидати, луѓе кои се добро упатени, добро поврзани и со централната власт, ги знаат во детали сите проблеми.
Жално е што овие денови се обидуваат да го потценат, да го излажат и изманипулираат нашиот народ. Ние немаме проблем како се изјаснува граѓаните, дали Данела се чуствува Бугарка или не. Ние сме лидери на едно општество за сите, секој може да биде кандидат во оваа држава. Но да го лажеш својот народ и да манипулираш пред камери, рече Заев.