Заев во Германија на средба со Меркел

Премиерот Зоран Заев ќе ја предводи владината делегација која на 21 февруари ќе престојува во официјална посета на Сојузна Република Германија.

За време на оваа посета во Берлин, Заев ќе се сретне со канцеларката Ангела Меркелм информираат од Владата. По средбата, канцеларката Меркел и премиерот Зоран Заев ќе имаат заедничка прес – конференција.

Официјалната посета предвидува и средба со претседателот на СР Германија Франк Валтер Штајнмаер.

Во рамките на агендата на официјалната посета на СР Германија, премиерот ќе има и свое обраќање во централната канцеларија на Фондацијата Фридрих Еберт.