Заев ветува средна класа, укинување на екстерното и попис

by Фокус 18:50
18:50

Претседателот на СДСМ, Зоран Заев, на партискиот Конгрес во обраќањето пред делегатите зборуваше за идните цели и планови за кој ќе се залага СДСМ кога би била на власт. Тој порача дека е историска должност да се преземе обврската и да се заокружат процесите во државата кои се започнати.

-Сега во средната класа живеат многу мал процент на домаќинства. За време на оваа власт, Македонија стана држава со најголема социјална раслоеност во Европа, истакна Заев.

- Advertising -

Како обврски кои СДСМ ќе ги преземе по доаѓањето на власт, Заев ги најави:  укинување на радиодифузната такса, враќање на евтината тарифа на струја, создавање услови за слободни и професионални медиуми, укинување на екстерното тестирање, намалување на наставните содржини во основното и средно образование, враќање на автономијата на универзитетот и достоинствтото на професорите и воведување практична настава во средните училишта и факултетите.

Лидерот на опозицјата рече и дека СДСМ кога ќе дојде на власт, ќе спроведе попис на населението според меѓународни критериуми и стандарди. Нагласи дека избори ќе има, но мора да се исполнат  сите предуслови за кристално чисти избори.

Поврзани новости