Заев: Со вакво ВМРО-ДПМНЕ, преговорите за евроинтеграции би траеле 60 години!

Лидерот на СДСМ, Зоран Заев верува во победа со повеќе од 61 пратеник на предвремените парламентарни избори на 12 април.

Тој се осврна на тригодишното владеење на неговата парија и како што рече, успесите кои ги постигнале на меѓународно но и локално ниво.

„Изминатите три години донесовме паметни и тешки одлуки. Денеска АРМ е дел од најмоќниот планетарен сојуз. Денес сме извесна 30 земја членка на НАТО. Тоа носи и повеќе пари за граѓаните, а придобивките од членствто во НАТО не завршуваат. Влеговме во НАТО, можеме и во ЕУ. На ред е ЕУ да ја исправи грешката и да започне преговори за членство. Потребно е да овозможиме континуитет на паметните и храбрите одлуки. А, со вакво ВМРО-ДПМНЕ преговорите би траеле 60 годинио“, истакна Заев.