Заев се сретна со Мицотакис, дал поддршка за отворање на преговори со ЕУ

Премиерот Зоран Заев денеска во Њујорк ја оствари првата средба со претседателот на Владата на Грција, Кирјакос Мицотакис.

-Република Северна Македонија е максимално фокусирана на градењето меѓусебно партнерство засновано на пријателство и заеднички интерес, во интерес на граѓаните на нашите две земји. Подготвени сме за целосно спроведување на Акциониот план за интензивирање и збогатување на соработката меѓу Грција и Северна Македонија. Беше изразена поддршка од страна на грчкиот премиер за отварање на преговори со ЕУ. Заклучивме и дека унапредувањето на економската соработка, зголемувањето на трговската размена и директните инвестиции се од наша голема взаемна корист, напиша Заев.