Заев се прашува како Груевски бил ставен по член за делото брзо да му застари

Премиерот Зоран Заев на вечерашното гостување на МРТ нагласи дека верува во ефикасни судски процеси каде ќе се утврди вината и одговорност да си сноси осомниченото или обвинетото лице. Според него, потребно е да има одлука без разлика каква и да е. Рече дека не го обвинува само судството, туку и обвинителството.

– До ден денеска се прашувам како тоа Груевски е ставен по тој член за да делото брзо застаре, а другите не, кога сите ги слушавме бомбите кој тоа го организира. Јас не знам дали тука е судот или обвинителството и затоа зборувам за правосудството, рече Заев.

Смета дека треба да има ветинг и за политичарите, и во Министерството за внатрешни работи и во судството.