Заев најави преземање на ингеренциите од државата ако Охрид и Струга не реагираат за дивоградбите

Дивоградбите во охридскиот регион се актуелна тема во Македонија, а тоа наидува на лавинка критики од пошироката македонска јавност.

Премиерот Заев најави дека доколку општините не постапат според правилата, ингеренциите за дивоградбите ќе бидат преземени од државата.

„Очекуваме општините да постапат за дивоградбите во охридскиот регион. Ако не можат да го направат, тогаш ќе преминеме во преземањето на ингеренциите од државата. Тоа е наша обврска согласно УНЕСКО. Во иднина ќе имаме режим за Охрид, Струга и Дебар, заради почитување на стандадните на УНЕСКО“, истакна Заев.