Заев: Мојата изјава за Смилковско е погрешно интерпретирана

Претседателот на СДСМ, Зоран Заев, денеска рече дека неговата изјава за германскиот весник „Die Zeit“ дека осудените за случајот „Монструм“ невини лежат во затвор е погрешно интерпретирана.

-Најверојатно е грешка во интерпретацијата на самиот новинар. Но сепак, големи сомневања се врзани за овој случај. Тоа го објаснувам јас и во самото интервју и секако со обелоденувањето на вистината за Смилковско езеро или процесот на Владата, Монструм, како што го нарекоа со кривичната пријава, ќе обелодени болна вистина“, рече Заев.

Тој додаде дека тие немаат намера да ставаат квалификации, туку да им ја обелоденат вистината на граѓаните.