На премиерите Зоран Заев и и Алексис Ципрас денеска во Минхен ќе им биде врачена наградата „Евалд Фон Клајст“, основачот на минхенската конференција.
Планирано е врачувањето на наградата да биде на посебна церемонијална вечера чиј домаќин ќе биде премиерот на Баварија, Флориан Херман.
Двајцата премиери во рамки на Минхенската безбедносна конференција ќе се обратат на заедничка панел дискусија за Република Северна Македонија и Република Грција.
Премиерот Заев во Минхен престојува заедно со владина делегација во чиј состав се и вицепремиерката и министерка за одбрана Радмила Шекеринска, министерот за надворешни работи Никола Димитров и пратеникот Џевад Адеми. Владината делегација ќе учествува на повеќе настани што се одржуваат во рамки на конференцијата, а планирано е да реализира и повеќе билатерални средби.
