Веќе еден час пратениците чекаат да почне седницата за уставните измени која беше закажана за денеска во 12.00 часот.
Од Собранието нема официјално информација зошто седницата не почнува на време, но неофицијално оттаму дознаваме дека е презакажана за во 15.00 часот.
Од владејачкото мнозинство велат дека почетокот дефинитивно ќе биде пролонгиран. Причината е во тоа што им се дава повеќе време на премиерот Зоран Заев и лидерот на едно од крилата на БЕСА, Биљал Касами, да се усогласат околу амандманите.
На Заев му требаат пратениците на Касами за да се обезбеди потребното двотретинско мнозинство. Наводно Заев разговара и засебно со двајцата пратеници на Касами за да ги придобие.
Според непотврдени информации, еден од двајцата пратеници на Касами веќе прифатил да ги поддржи амандманите без условите што ги постави нивниот лидер.