Заев: Да бев на местото на Ременски ќе се повлечев од пратеничката функција и ќе се вратев како херој

Премиерот Зоран Заев во вечерашното интервју на ТВ 24 рече дека ако тој бил на местото на пратеничката Фросина Ременски ќе се повлечел од позицијата поради истрагата за „Рекет“.

-Да бев на местото на Фросина Ременски ќе се повлечев од пратеничката функција и ќе чекав да го докажам тоа и ќе се вратам на голема врата како херој. Кога некој вака злоупотребил луѓе на секаков начин како што направил Бојан Јовановски, во таков случај се повлекувате и не оставате никаков впечаток заради чистината на образот, рече Заев.

Тој додаде дека тој лично верува дека Ременски нема вина во случајот.