Забраната за влез во Грција е продолжена до средината на септември

Грчката Влада одлучи за уште две седмици да ја продолжи забраната за влез во Грција на државјани на трети земји, како и мерката за ограничување на копнените поврзувања на земјата со Северна Македонија и Албанија.

Претходната заедничка министерска одлука за прекинот на копнените поврзувања истекува на 31 август, а според новата одлука таа се продолжува до 15 септември.

Ограничувањата попладнево ги соопшти заменик-министерот за цивилна заштита на Грција Никос Хардаљас на редовната прес конференција за Ковид-19 во Министерството за здравство.