Фудбалерот на Манчестер Сити и добитникот на Златната топка, Шпанецот Родри не се сомнева за тоа кој е најдобриот фудбалер на сите времиња.
„За мене Лионел Меси е најдобриот играч на сите времиња. Кога ќе ја прими топката веднаш знаеме дека сме во опасност. Да бев во дуел со него, ќе се обидов да му ја одземам топката, но тој би побегнал како да не сум таму“, рече Родри во шпанската емисија „El Hormiguero“.
Родри направи споредба меѓу Меси и Кристијано Роналдо, посебно осврнувајќи се за периодот додека играше за Атлетико Мадрид и Виљареал.
„Кристијано успеа да му парира на Меси во многу работи. Сепак, ние кои имаме играно против нив ја видовме разликата. Не му дозволивме на Роналдо да влезе во нашиот шеснаесетник, бидејќи беше многу опасен во него. Сепак, Меси е опасен насекаде. Кога Меси ќе ја добие топката, знаевме дека може да ни се случи нешто опасно“ рече Родри, кој го освои Европското првенство година со шпанската фудбалска репрезентација.
🚨 Rodri: “Zero doubts. For me, Leo Messi is the best player ever”.
“When he received the ball, you were thinking: there is danger coming… When I faced him, I would try to take the ball away from him, but he would get away from you as if you weren’t there”, told @El_Hormiguero. pic.twitter.com/4rarkLDStp
— Fabrizio Romano (@FabrizioRomano) November 20, 2024