Во склоп на новогодишната програма која ќе се емитува на МРТ на 31-ви декември, гледачите ќе имаат можност да го проследат 90-минутното шоу на Каролина Гочева. Таа објави фотографии од снимањето на шоуто, и откри дека музички гости ќе и бидат Елена Ристеска, Лозано, Лара Иванова…
-Многу се радувам што можам да ви кажам дека оваа година сакав да прославам заедно со сите вас и поради тоа, на Нова Година ќе пеам само на МРТ1. На 31-ви декември, со почеток од 21 часот ќе имам свое 90-минутно шоу на кое како специјални гости ќе се појават и моите драги колеги и пријатели Елена Ристеска, Лара Иванова, Влатко Лозаноски Лозано, Пијан Славеј и Teen Camp Official. Се гледаме на 31ви декември на МРТ1 – напиша Гочева на социјалните мрежи.
Голем број на популарни фолк музичари исто така се пофалија дека ќе бидат дел од новогодишната програма на МРТ. Ефто Пупиновски, Сузана Спасовска, Мишко Крстевски, Милица Кузмановска, Кате Танева, Сузана Спасовска, Нино Величковски, Марјан Коцев, Кате и Соната, Росана Сариќ- Тодоровска и многу други биле дел од забавната празнична програма, и открија дека снимиле шоу какво што досега народот не видел.
Вики Клинчарова
